Wir Ulreich Gundloch zu den zeiten Burgermaister und Muenssmaister und der Rate gemain der Stat ze Wienn. Bekennen offenleich mit dem brief. Daz wir schuldig worden sein und gelten sullen Dem Erbern herren Maister Hannsen Sinderam, lerer geistlichen Rechten, zu den zeiten des hoch-wirdigen fuersten, und herren hern Jeorgen von Hochloch Bischof ze Passaw Official ze Wienn und Caplan der Capellen unser frawen auf der Stetten daselbs und seinen Nachkomen Caplen daselbs zwaihundert und fuenf und zwaintzig phunt wienner phenning der Alten Swartzen Munss die wir zu der Stat nutz und notdurft ausgeben und bewendet haben und gehoerent zu der Stift des Ambts der heiligen Drivaltikait die weilent der Erber herr her Andre Grillenperger gestifft hat. Darumb geloben wir fuer uns und all unser Nachkomen und verbinden uns wissentlich mit dem brief, daz wir den obgenanten maister Hannsen Sinderam oder sein Nachkomen wer denn ye zu den zeiten Caplan ist der obgenanten unser frawn kapeln der vorgeschriben zwairhundert und fuenf und zwaintzig phunt Richten und wern sullen, wann man darumb ze kauffen vindet und gueter ervorschet die derselben kapellen nuetzleich sein an alles gever. Mit urchunt des briefs Besigelt mit der Stat ze Wienn klainem Anhangundem Insigel. Geben ze Wienn an sant Dorotheen tag Nach Kristi gepurd viertzehenhundert und In dem zway und zwaintzigistem Jar.

Source Fulltext: Peter Peusquens