Unsern frewntleichen dinst zevor Erbern weysen Als Ir Hannsens des Hekchel weyser des brifs unsers mitpuerger ein tail briefe Inne habet, lassen wir ew wissen, das ym derselben brief yetzund von zuespruch wegen, so man hintz ym suechet tzu einem rechten wirdet not beschehen Bitten wir ewer weyshait mit fleizze Ir wellet ym derselben brif notdurft, Inantwurten, sich damit ze scherm und wann sich dann das recht zu einem end vergangen hat Ob ir dann wellet So sol er ew dieselben brif unbruchleich und unverholtzen widerpringen und Inantwurten angever. Geben an freytag vor sand Matheus tag. Anno domini Millesimo Quadringentesimo Vicesimo Secundo. Buergermaister Richter und der Rat Inder Newnstat

Source Fulltext: Peter Peusquens