INomine domini Amen. Anno Nativitatis eiusdem Millesimo Quadringentesimo Vicesimo Tercio Indictione prima die vero Jovis undecima mensis februarii hora terciarum vel quasi Pontificatus Sanctissimi in Christo patris et domini nostri, domini Martini divina providencia pape Quinti, anno sexto, Wienne in Stuba maiori Cancellarie Illustris principis ac domini, domini Alberti ducis Austrie etc. In mei Notarii publici testiumque subscriptorum presentia personaliter constitutus Religiosus vir frater Oswaldus Prior domus heremitarum ordinis Sancti Augustini in Wienna Pataviensis dio-cesis, habens et tenens in suis manibus quasdam litteras pergamentas et Papireas non viciatas non abrasas non abolitas non cancellatas nec in aliqua sui parte suspectas, sed omni prorsus vicio et suspicione carentes, easdemque realiter et cum effectu in medium produxit, ac michi ad viden-dem tradidit, et supplicavit ut ipsas de verbo ad verbum quia grave esset easdem ad singula loca portare transumerem et transcriberem. Ita quod huic transumpto in iudicio et extra plena fides veluti ipsis litteris originalibus adhiberetur. Quibus quidem litteris sicut prefertur per me receptis visis et prelectis, ego considerans petitionem predicti fratris Oswaldi fore iustam et rationi consonam, unde ego easdem litteras de verbo ad verbum nil mutando aut variando de quo sensus mutari possit seu variari quoquo modo transcripsi et transumpsi et in hanc publicam redegi. Tenor vero prime littere (Urk. n° 2185 a) dicti domini nostri pape eius vera Bulla plumbea in cordula cannapis pendente more Romane curie sigillate insertus est de verbo ad verbum in processu a venerabili patre domino Heinrico de Kitzpuechel decano Ecclesie pataviensis executore a predicto domino nostro papa ad hoc specialiter in dictis litteris Apostolicis dato et concesso, emanato, ipsiusque sigillo rotundo de Cera rubea communi cera custodita, in cordula filea rubei coloris pendente sigillato, ac manu propria et signo discreti viri Johannis Swenntt de Awrbach, publici Imperiali auctoritate notarii subscripto et consignato Cuius tenore una cum dicta Bulla (Urk. n° 2170 a) de verbo ad verbum per omnia sequitur et est talis. (Urk. n° 2185 a) Universis et singulis Christi fidelibus, Et presertim Reverendo in christo patri et domino, domino .. dei et apostolice sedis gratia Episcopo Pataviensi, et eius in spiritualibus ac temporalibus vicario et Officiali generali. Etiam venerabilibus et Religiosis viris dominis .. Vicariis Prioribus et Capitulis Genera-libus provincialibus, et Personis domorum quarumcumque Ordinis fratrum heremitarum Sancti Augustini ubilibet constitutis et maxime Almannice Nationis, omnibusque aliis et singulis quorum interest vel intererit Ac illi vel illis ad quem vel ad quos presentes nostre littere pervenerint, quosque presens infrascriptum tangit negocium seu tangere poterit quomodolibet in futurum quibuscumque nominibus censeantur aut quacumque prefulgeant dignitate Henricus de Kitzpuehel, decretorum doctor decanus Ecclesie Pataviensis, ad infrascripta Commissarius ac Executor unicus a sede apostolica specialiter deputatus obsequium et sinceram in domino caritatem ac Noveritis nos litteras Sanctissimi in christo patris et domini nostri, domini Martini divina providentia pape Quinti eius vera Bulla plumbea cum cordula canapis impendente more Rome Curie bullatas sanas et integras non viciatas non cancellatas non abrasas, nec in aliqua sue parte suspectus omnique prorsus vicio et suspicione carentes Nobis per venerabilem ac Religiosum virum dominum fratrem Oswaldum Rêmlein de Nuerenberga Priorem domus fratrum ordinis predicti opidi Wiennensis Pataviensis diocesis predicte Coram Notario publico et testibus infra-scriptis presentatas, cum ea qua decuit reverentia recepisse Quarum quidem litterarum aposto-licarum de quibus supra fit mentio Tenor de verbo ad verbum sequitur. Et est talis. (Bulle des Papstes Martin V. 18. August 1421 (Urk. n° 2170 a) Martinus Episcopus servus servorum dei. Dilecto filio .. decano Ecclesie pataviensis Salutem et apostolicam benedictionem. Meditatio nostri cordis assidua inter cetera adhoc vigilat et intendit, ut regulares ordines et loca religionis quelibet pro ut ea indigere conspicimus ad prosperitatis optate letitiam reducantur propter quod ad id efficacis solicitudinis studium apponere cupimus, et salutaris provisionis remedium adhibere Necnon illa que ad personarum in eis divinis laudibus debitarum pium propositum consequendum proinde facta sunt ut illibata persistant libenter cum a nobis petitur apostolico munimine robo-ramus. Sane pro parte dilectorum filiorum Nobilis viri Alberti ducis Austrie, et Augustini de Roma Magistri Generalis Ordinis fratrum heremitarum Sancti Augustini nobis nuper exhibita petitio continebat. Quod cum olim prefatus dux ad dilectos filios fratres dicti ordinis de observantia nuncupatos singularem gerens devotionis affectum, desideraret quod domus fratrum eorundem Opidi Wiennensis Pataviensis diocesis ipsius ducis dominio temporali subditi in qua Regularum observantia cooperante domino vigere dinoscitur perpetuis temporibus sub observantia regeretur eadem, ac prior pro tempore existens, et fratres domus huiusmodi sub humilitate spiritu illorum seposita pertubatione quacumque ipsorum propositum in domino plurimum commendabile perficere valerent. Dilecti filii Nicolaus de Tusca dicti ordinis professor, tunc vicarius prefati Generalis habens ad hoc ab illo specialem ut dicebat potestatem, et Capitulum provinciale Baverie secundum morem prefati ordinis de quo predicta domus existit, tunc gratissima cordis affecti complacentia huiusmodi dicti ducis illius quibus fratribus ipsis plurimum afficitur favore et caritate, attentis devotioni favorabiliter annuentes inter alia statuerunt et etiam ordinarunt. Quod omnes et singuli fratres predicti ubicumque degentes, ex tunc in antea suorum superiorum super hoc licentia petita licet non obtenta, ad prefatam domum dummodo illa propter hoc nimium non gravaretur impune accedere, ac pro priorem prefatum posteram de eorum vita et conversatione laudabili legittime doctus foret, inibi recipi et incorporari valerent. Et quod prefatus prior Generali dicti ordinis pro tempore existenti dumtaxat excepto recipiendi et incorporandi domui prefate fratres eosdem solus haberet liberam facultatem nullusque fratrum eorundem post ipsius in dicta domo receptionem et incorporationem ab illa eliminari seu transferri deberet rationabili et manifesta causa minime subsistente Predictus quoque prior domus eiusdem illam in spiritualibus et temporalibus regere et gubernare, ac prior provincialis ordinis et provincie predictorum quotiens sibi videretur ad domum eandem accedere, ac in ea visitationis officium excercere Necnon fratres predictos pro ut expedire agnosceret pro eorum criminibus et excessibus iuxta illorum qualitatem et exigentiam ac sanctiones canonicas et dicti ordinis Regularia Constitutiones et Instituta praeter illorum a dicta domo eliminationem, nisi prefatus prior domus eiusdem inordinata ductus affectione, illos ipsorum forsan dissimulando excessus et delicta in eadem domo tolerare presumeret corrigere ac quotionscunque domum prefatam priore carere contingert electum seu postulatum tunc per Conventum domus eiusdem ipsi domui in priorem preficere ac illum in ea instituere, necnon ab ea ipsius culpis et demeritis exigentibus iuxta huiusmodi Constitutiones et instituta destituere posset Omnes quos et singuli fratres de quibusvis Conventibus dicti ordinis quos causa universitatis studii predicti opidi ad prefatam domum pro tempore declinare, seu ex tunc ibidem mitti contingeret, interim quo inibi residerent ad instar fratrum domus huiusmodi vivere necnon monitionibus prioris domus eiusdem obtemperare, sibique obedientiam et reverentiam debitas exhibere et impendere tenerentur Alioquin pro ut priori videretur eidem ipsos punire et cohercere, ac etiam de Magistrorum sive lectorum studio dicte domus pro tempore presidentium consilio, pro ut excessus eorum id exigerent ad suos proprios Conventus remittere valeret pro ut ex litteris authenticis desuper confectis sigillo dicte Provincie munitis dicitur plenius contineri. Quare pro parte Ducis et Generalis ordinis predictorum nobis fuit humiliter supplicatum, ut statuto et ordinationi predictis pro eorum subsistentia firmiori robur apostolice confirmationis adiecere ac fratribus domus huiusmodi alias opportune consulere de benignitate apostolica dignaremur. Nos igitur qui de premissis certam notitiam non habemus ac tam pium dicti ducis propositum paternis prose-quentes affectibus nostris volumus super his frugem operis salubriter impertiri huiusmodi supplicationibus inclinati discretioni tue per apostolica scripta mandamus, quatinus si est ita statutum et ordinationem predicta et quecunque inde secuta auctoritate nostra approbes pariter et confirmes. Volumus tamen quod si approbationem et confirmationem predictas per te fieri contingat ut prefertur illi ex fratribus predictis ad prefatam domum iuxta statutum et ordina-tionem huiusmodi dumtaxat accedere ac inibi recipi et incorporari possint qui tempore accessus eiusdem in locis dominii residerint antedicti, ipsique tempore quo causa dicti studii ibidem residebunt in illis prefato Priori dicte domus obedientiam et reverentiam huiusmodi impendere, ac predictis eius monitis obtemperare dumtaxat teneantur, ad que iuxta Constitutiones et instituta predicta quomodolibet sunt astricti. Et insuper fratribus prefatis quos in eadem domo pro tempore morari sive residere contingat, ut omnibus et singulis privilegiis exemptionibus libertatibus immunitatibus et gratiis eidem ordini ac aliis illius domibus per sedem apostolicam et alias quomodolibet concessis libere et licite utiet gaudere valeant auctoritate apostolica tenore presentium indulgemus. Non obstantibus Constitutionibus apostolicis necnon statutis et consue-tudinibus dicti ordinis iuramento confirmatione apostolica vel quacumque firmitate alia roboratis, ceterisque contrariis quibuscumque Datum Tibure XV kal. Septembris Pontificatus nostri anno Quarto. (18. August 1421 Urk. n° 2170 a) Post quarum quidem litterarum apostolicarum presenta-tionem et receptionem nobis et per nos sit ut premittitur factas fuimus per prefatum dominum Oswaldum Priorem coram nobis propter hoc constitutum debita cum instantia requisiti Quatenus statutum et ordinationem supradictam et in dictis litteris apostolicis contenta et expressata eadem auctoritate Apostolica nobis in hac parte tradita et concessa approbare et confirmare, ac ad executionem earundem litterarum apostolicarum et contentorum in eisdem iuxta traditam seu directam a dicta sede Apostolica nobis formam procedere dignaremur. Nos igitur Henricus Decanus Commissarius et Executor prefatus attendentes requisitionem huiusmodi fore iustam et consonam rationi mandatis apostolicis huiusmodi humiliter parere, ac Commissionem et manda-tum apostolicum nobis ut præmittitur directa reverenter exequi volentes ut tenemur Testes fide dignos ac litteras seu scripturas autenticas super veritate in dictis litteris Apostolicis contenta pro nostra informatione recepimus vidimus ac diligenter examinavimus cuncta maturitate debita ruminantes. Et quia ex informatione testium et litterarum predictarum coram nobis exhibitarum et productarum, invenimus Illustrem principem et dominum, dominum Albertum Ducem Austrie ad prefatos Religiosos viros dominos fratres Ordinis heremitarum Sancti Augustini predicti de observantia nuncupatos Et presertim ad ipsum dominum .. Priorem Fratres et Conventum domus opidi Wiennensis predicte singularem devotionis affectum gerere et desiderare quod eadem domus fratrum eorundem Opidi Wiennensis qui etiam ipsius domini ducis dominio temporali sunt subditi, in qua etiam Regularis observantia altissimo cooperante attento vigere dinoscitur, perpetuis temporibus, sub eadem observantia regeretur. Et alia in dictis litteris apostolicis contenta et expressata fuisse et esse vera nos auctoritate Apostolica predicta nobis in hac parte commissa statuta et ordinationes in dictis litteris Apostolicis contenta et contentas approba-vimus, confirmavimus et roboravimas , approbamus, confirmamus et roboramus per prefentes. Volumus tamen et decernimus pro ut etiam per prefatum dominum nostrum papam est decretum, quod illi ex fratribus predictis ad prefatam domum iuxta statutum et ordinationem huiusmodi dumtaxat accedere et inibi auctoritate Apostolica recipi et incorporari possint qui tempore accessus eiusdem in locis domini resederint antedicti, ipsique tempore quo causa dicti studii ibidem residebunt in illis prefato Domino Oswaldo Priori et suis successoribus Prioribus pro tempore existentibus dicta domus Opidi Wiennensis obedientiam et reverentiam huiusmodi impendere, ac predictis eius monitis obtemperare dumtaxat teneantur, ad que iuxta Constitu-tiones et instituta quomodolibet sunt astricti Et insuper fratribus prefatis quos in eadem domo pro tempore morari sive residere continget, ut omnibus et singulis privilegiis, exemptionibus, libertatibus, immunitatibus et gratiis eidem ordini ac aliis illius domibus per sedem Apostolicam et alias quomodolibet concessis libere et licit uti, et gaudere valeant auctoritate Apostolica prefata tenore presentium indulgemus, pro ut etiam per prefatum Dominum nostrum..Papam in prefatis suis litteris apostolicis est eisdem etiam id indultum. In quorum omnium et singulorum fidem et testimonium premissorum has presentes nostras litteras seu Presens publicum instru-mentum huiusmodi statuti et ordinationis predictorum confirmationum et approbationum nostras ymmo verius Apostolicas in se continentes sive continens exinde fieri ac per Joannem Swentt de Awrbach Notarium publicum infrascriptum et huiusmodi causa coram nobis scribam subscribi et publicari mandavimus, nostrique Sigilli iussimus appensione communiri. Datum et actum Patavie in Curia nostre habitacionis, Sub Anno a Nativitate domini Millesimo Quadringentesimo vicesimo secundo Indictione Quinta decima, die vero Sabbati decima septima Mensis Januarii (17. Jan. 1422 Urk. n° 2185 a) hora Nonarum Pontificatus Sanctissimi in christo patris et domini nostri, domini Martini divina providencia pape Quinti predicti Anno eius Quinto. Presentibus ibidem honorabilibus et discretis viris dominis Nicolao Rikchardi de Melsakch, Henrico Stupper de Lauffen, clerico, et Leonhardo Grabner de Trawn, laico Warmiensis, Saltzburgensis et Pataviensis diocesis Testibus ad premissa vocatis pariter et rogatis. .. Tenor vero Subscriptionis talis est. Et ego Johannes Swenntt de Awerbach Clericus Bambergensis diocesis publicus Imperiali auctoritate Notarius. Quia predictis litterarum Apostolicarum presentationi receptioni requisitionem statuti et ordinationum predictorum approbationi et confirmationi, omnibusque aliis et singulis premissis dum sic ut premittitur per prefatum dominum Henricum de Kitzbuhel..decanum Commissarium et Executorem prefatum ac coram eo fierent et agerentur, una cum prenominatis testibus presens interfui Eaque omnia et singula sic fieri vidi et audivi Ideoque hoc presens publicum instrumentum approbationis et confirmationis statuti et ordinationum predictorum manu mea propria scriptum de mandato ipsius domini Henrici Decani et Commissarii exinde confeci et in hanc formam publicam redegi signoque meo et nomine meis solitis consuetis unacum appensione sigilli prefati Domini Henrici Decani Commissarii et Executoris consignavi. Rogatus et requisitus in fidem et testimonium omnium et singulorum premissorum. Tenor vero tertie littere Pergamanee sequitur in hec verba et est talis. Universis et singulis christi fidelibus presens scriptum intuentibus. Nos fratres Nicolaus de Tusca in sacra Theologia Magister, Provincialis Capituli vicarius Generalis, Bertholdus de Ratispona sacre theologie professor, prior provincialis, Bertoldus de Monaco, Welislaus de Tusca, Ysaias de Cracovia, lectores, Johannes de Flumine, Cursor prior ibidem diffinitores Totumque Capitulum provinciale in Conventu Semanshausen in festo Sancti Johannis Baptiste anno domini Millesimo Quadringentesimo Vicesimo ibidem celebratum. Orationes humiles et quitquit melius hauritur in gaudio de fontibus salvatoris. Quoniam Illustris et magnificus Princeps et dominus, dominus Albertus Quintus inclitus Austrie etc. dux dominus noster gratiosissimus, infusa sibi celitus paternali ac speciali devotione, pro stabilienda Conventus sui Wiennensis nostri ordinis Regulari observantia, iam quodammodo laudabiliter initiata, nonnulla Capitula pro Conventus eiusdem ordinatione salubri necnon vite Religiose continuatione proficuis ac admodum oportunis nominatim et in specie litteratorie nobis propositis ducali prece eadem postulavit admitti, et iuxta eorum continentiam effectualem, Capitulariter confirmari, ferventius rogitando, quatenus statum eorundem fratrum sub quo in presenciarum Domino famulantur, et in futurum famulari domino cooperante proponunt meliori modo via et forma ordinando et indulgendo in premissis debita roborationis provisionem facere curaremus, quo equidem idem fratres in Conventu predicto degentes deo devoti spiritu quoque sancto inspirati deinceps sub observantia sui ordinis Regulari quietius suum commendabile propositum proficere valeant in ipsorum etiam vita Regulari devotioneque tranquilla minime perturbari. Nos itaque fratres omnes et singuli supradicti eatenus gratissima quadam cordis affecti complacentia devotioni sue in domino habunde congaudentes, ut favor et caritas, quibus ad ordinem Beatissimi Doctoris Augustini auctoris eiusdem, alias sincere afficitur exinde plurimum adaugeantur. Attento quod res huiusmodi ad laudem dei omnipotentis, animarum salutem plurimarum, nec non ordinis nostri non modicam exaltationem vergere dinosci-tur, ut exinde favor et caritas quibus ad ordinem Beatissimi Doctoris Augustini auctoris eiusdem alias sincere afficitur, quamplurimum augeantur. Et ne fortassis animi levitas humani malorum satore procurante, rem tanti pretii in peyorem valeat exitum commutare. Neve aduersarius noster dyabolus solite calliditatis violentato vento hoc mobile fundamentum nondum usque quaque firmatum, ad instar arundinis periculosius valeat exagitare ex certa scientia dicta Capitula iuxta eorum continentiam et tenorem admittentes eadem, ut diuturniori firmitate stabilientur per infrascriptas condiciones duximus moderanda. Et primo complacentia principis singuli, rigorem statutorum ordinis mitigantes indulgemus omnibus et singulis eiusdem ordinis fratribus ubicunque degentibus, quatenus licentia suorum superiorum petita licet non obtenta impune valeant accedere ad Conventum Wiennensem predictum, ac petere se ibidem recipi et incorporari ad eundem, dum tamen penas ordinis ex ipso accessu non declinare dinoscantur. Item, quod Prior Conventus predicti fratres ordinis vocare possit unde cunque sic tamen quod ipsa vocatio vim precepti non pretendat. Item si contingat taliter vocatos aut sponte venientes Conventui predicto incorporari, volumus, quod res et bona taliter incorporatorum alibi acquisita ad Conventus sue originis devoluantur. Item quod Prior loci predicti Conventus pro tempore existens solus Priore Generali excepto et in solidum liberam facultatem habeat fratres taliter accedentes et petentes, exhibito tamen prius testimonio bone conversationis et vite recipiendi ut supra refutandi incorporandi conditione suprafata transferendi vel ad superiores mittendi. Ita tamen quod Conventus ipse multitudine recipiendorum non gravetur. Et quod translatio seu eliminatio nullius fiat absque rationabili et manifesta causa. Item ne propter defectum persona-rum temporis forte successu observantiam predictam frustrari contingat, Ordinamus quod nullus fratrum iam dictorum dicto Conventui ut premittitur, incorporatorum per quoscunque superiores, solo Generali excepto, coniunctim vel divisim, revocari valeat ad pristinum locum etiam si consensus revocandi ad id accesserit, aut quovis modo transferri dicto Priore Conventus Wiennensis inuito seu renitente nisi magna ordinis necessitas seu notabilis utilitas aliud postularet. Item quod Prior liberam facultatem habeat dictum Conventum Wiennensem inspiritualibus et temporalibus regendi et gubernandi hoc adhibito moderamine Quod Provincialis ordinis possit et teneatur eundem Conventum quotiens sibi videbitur ac perfonas eiusdem visitare, corrigere, et fratrum excessus iuxta ipsorum qualitatem punire et emendare, Eo salvo quod occasione pene extra Conventum predictum nisi pro ut supra tactum est nullatenus transferantur Nisi forte quod absit ipse Prior inordinata affectione ductus fratrem aliquem in delicto corruptivo communitatis dissimulando toleraret, tunc eo casu possit et teneatur Provin-cialis fratrem ipsum inde eliminando ad alium ordinis locum transferre, pena excessus ipsius congruentem. Item Quia ut dispendiosus evitetur circuitus parcaturque laboribus pariter ez expensis Capitulum Ordinis Generale Provinciali pro tempore existenti tribuit auctoritatem deinceps aliis vicibus et perpetuis temporibus futuris preficiendi instituendi et Priorem destitu-endi Conventui seu loco predicto, pro ut sibi videbitur expediens equum ac honestum addicimus quod institutio et destitutio prioris per provincialem fiat servatis de institutione aut destitutione ordinis institutis. Item quod fratres dicti Ordinis de aliis Conventibus causs studii Wiennam et ad dictum Conventum mittendi tempore quo ibidem morantur composite et adinstar fratrum dicti Conventus Religiose vivant studio tamen ipsorum minime neglecto, ac monitis dicti Prioris obtemperare, sibique dicto tempore obedientiam et debitam reverentiam impendere teneantur. Alioquin potestatem habeat ipsos pro ut sibi videbitur coherendi. Et etiam de consilio Magistrorum seu lectorum studio dicti Conventus presidentium si excessus id exegerit ad suos proprios Conventus remittendi. Altissimi gratia benedic-tionibus dulcedinis sue vos proveniendo donet ut hec omnia fiant cum dilectione hominum et odio vitiorum Amen. Datum in Semans-hausen anno domini Millesimo Quadringentesimovicesimo in festo Sancti Johannis Baptiste (24. Juni 1420 Urk. n° 2138a) in nostro Provinciali Capitulo ibidem celebrato communitatis nostre Provincie sub Sigillo : Tenor vero Quarte littere Papure Sigillo oblongo venerabilis fratris Augustini de Roma Prioris Generalis dicti Ordinis Sigillate sequitur. Et est talis. Frater Augustinus de Roma. Prior Generalis Ordinis fratrum heremitarum Sancti Augustini quamvis indignus. Venerabilibus ac Religiosis viris in christo nobis dilectis. Priori, Magistris, lectoribus, Ceterisque fratribus Conventus nostri Wiennensis Provincie Bavarie eiusdem ordinis Salutem in domino sempiternam. Quia Illustris Princeps et eximius dominus, dominus Albertus Austrie etc. dux, qui ferventissimo devotionis spiritu motus Observantiam Regularem in Conventu nostro stabiliri toto mentis affectu desiderat pro ut stitis Conventum ipsum simulque observantiam nobis instantissime recommendavit. Nos ipsius domini ducis voluntati ac desiderio, in tam sancta pia Religiosa, ac deo gratissima re merito acquiescere cupientes. Quedam in prefato Conventu Wiennensi perpetuis temporibus tenendi atque inviolabiliter observenda, ordinare et statuere decrevimus per presentes. Quibus si quis coniunctim vel divisim contraire presumpserit quovis modo penam carceris per sex menses ipso facto se noverit incursurum. Primo igitur vobis omnibus et singulis strictissime et sub pena premissa precipimus observari, ut nullus frater ordinis nostri cuiuscumque gradus aut conditionis existat, in predicto Conventu stet, aut quavis occasione residere permittatur, nisi moribus et Ceremoniis observancie Regularis et communitatis vivere velit ut ceteri Quid idem et de foren-sibus intelligi volumus, qui ultra diem ibidem pro quocunque negotio habeant residere. Quid si quis contrafecerit, dictam penam sustinere rogatur Idem quoque tam de Magistris Lectoribus atque Studentibus, quam de conventualibus volumus observari. Item sub eadem precipimus et mandamus, ut nullus cuiuscumque gradus aut condicionis sit, extra communem mensam Refectorii commedat, nisi pro aliqua neccessitate, speciali licencia prioris petita et obtenta. Qui etiam Prior deligenter advertat, quibus et qua ex causa talem licentiam tribuat Item volumus et tenore quo supra inhibemus ut et ne quisquam inter societatem vestram commorantium sive Regens sive Prior sive lector, aut cuiuscumque alterius conditionis sit provisionem aliquam habeat a conventu prefato cum in communitate atque observantia Regulari degentibus specialis provisio non debeat exhiberi. Datum Papie in Conventu Beatissimi patris nostri Augustini Anno domini Millesimo Quadringentesimo Vicesimo Primo die XII. Mensis Julii. (12. Juli 1421 Urk. n° 2168 a) Generalatus nostri officii sub Sigillo. Tenor vero subscriptionis talis est. Venerabilibus ac Religiosis viris in christo nobis dilectis Priori Magistris lectoribus Ceterisque fratribus Conventus nostri Wiennensis Provincie Bavarie Ordinis fratrum heremitarum Sancti Augustini. Super quibus omnibus et singulis Dictus frater Oswaldus Prior petiit sibi per me Notarium Publicum infrascriptum unum vel plura publicum seu publica confici Instrumentum seu Instrumenta. Acta sunt hec Anno Indictione die mense hora pontificatu et loco quibus supra Presentibus ibidem honorabilibus viris, dominis Friderico Stauthaimer Canonicus Ecclesie frisingensis ac plebano in Haymburga, fratre Stephano de Wienna, Georio Ris de Swebischenwerd, Johanne Tumer de Ratispona, et Mathia de Rêcz, procurator ecclesie in Egemburga, presbiteri, clerici et laici dicti Pataviensis, Salzpurgensis et Ratisponensis diocesis. Testibus cura premissa. Et ego Johannes Pauli de Meyrs clericus pataviensis diocesis, publicus Imperiali auctoritate notarius Quia predictarum litterarum exhibitioni presentationi transumptioni et petitioni Omnibusque aliis et singulis dum sic ut premittitur agerentur et fierent unacum prenominatis testibus presens interfui, eaque omnia et singula sic fieri vidi et audivi Ideoque hoc presens publicum Instrumentum me aliis occupato negotiis per alium fideliter scriptum ex inde confeci et in hanc publicam formam redegi, Signoque et nomine meis solitis et consuetis unacum appensione Sigillorum dominorum .. prioris et Conventus predictorum consignavi Rogatus et requisitus in fidem et testimonium omnium et singulorum premissorum.

Source Fulltext: Peter Peusquens; siehe auch: Lustri_storiali_de_Scalzi_Agostiniani_Er.pdf n° 159, 160, 161 S. 266 – 269 Lustri storiali de Scalzi Agostiniani Eremiti della congregazione d'Italia e Germania. MILANO, M.D.CC.