Ich Hanns Hofleich dietzeit Burgermaister und der gantz Rat In der Newnstat Bechennen offen-leich mit dem brif und tuen kund, das fur uns in offen Rat koemen ist die erber fraw Dorothe Niclasen des Weinperger, unsers mitpuergers hawsfraw, und gab uns zu erkennen von Ires hawss wegen, gelegen ze Wyenn auf der Widem neben Sand Antonii freythoff gegen dem heyligen geist uber, und das hiet sy und ir wirt verchauft ainem der wêr genant der Moser, und desselben ver-chauffens des benanten hawss wêr sy irs tails also willig zue vertigen, und was Ir egenanter wirt Niclas Weinperger damit handlet und têt ze flust und ze gewinn, dez solt er, an Irer stat gewalt haben, und sy well auch das gentzleich stêt haben getrewleich und ungeverleich, als sy uns das mit irn trewn versprochen und daruber vergriffen hat, und des ze urchund versigelt mit unserr Stat chlainem, aussen zeruegk aufgedruektem Insigel Geben an Samptztag vor Reminiscere in der Vasten Anno domini Millesimo Quadringentesimo Vicesimo Tercio.

Source Fulltext: Peter Peusquens