Ich Dorothe weilent Hainreichs des kauffmans von Prag seligen witib. Vergich fuer mich und all mein erben und tuen kund offenleichen mit dem briefe, allen lêwten gegenwurttigen und kuenf-tigen, daz Ich mit guter vorbetrachtung, redleicher vernu(n)fft, meiner witz und synnen und mit gesuntem leibe zu der zeit da Ich es wol getuen mocht, Recht und redleich geordent und ge-schafft habe, orden und schaff auch wissentleich mit dem brief mein geschêfft als Ich wil und main daz es erst nach meinem tod also stet und untzebrochen beleibe. Item und schaff meinem lieben frewnd Hermann dem Sachsenveld von Prag und seinen erben mein haus gelegen zu Prag genant zu sant Helen zu den Sibentzehenegken bey den fleischpenken, und funf schock und Achtzehen Behemischer gross jêrleiches zinses gelegen auf andern hêwsern daselbs nach lautt des Statpuchs der obgenanten Stat ze Prag ledichleichen und freyleichen zehaben und allen Irn frumen damit zeschaffen wie Si des verlustet vor mênichleiches Irrung und hindernuess unge-verleich und daz das obgenant mein geschefft erst nach meinem tod also stet und untzebrochen beleibe. Und darueber zu ainem warn urkund gib ich In den brief besigelten mit der Erbern weisen Ulreichen des Gundlochs zu den zeiten Muenssmaister in Oesterreich und dietzeit des Rates der Stat ze Wienn und kirchmaister Allerheiligen Tumbkirchen datz sand Stephann daselbs und Hannsen des Unger dietzeit hannsgraf in Oesterreich Burger ze Wienn Insigeln, die Ich des fleissichleichen gebeten hab daz Si der sach zeugen sind mit Irn Insigeln In und Irn erben an schaden, und wan Ich selb aigen Insigel nicht enhabe so verbind Ich mich under den benanten Insigeln mit meinen trewn angevêr alles das stetzehaben daz vorgeschriben steet. Geben ze Wienn an Mitichen nach Invocavit in der Vasten Nach Kristi gepurd viertzehenhundert jar darnach in dem fuenfundzwaintzigistem jare.

Source Fulltext: Peter Peusquens