Barbara von gots gnaden Romissche und ze Ungern etc. kunigin Erbar, und lieber getrewer, Wir lasszn dich wissen, das wir zugriffen und angefangen haben unser gesloesser alhie ze ungern, und nemlich unsern Sitz ze Etzelburg, fursich ze pawen dartzu wir Czigelprenner alhie ze lande nicht muegen gehaben, und darumb pitt wir dich mit flaisz, das du uns tzwen maister der Czigelprenner solst bestellen, und wie du uns die dingen magst nach der gewonhait, als sie die ze wienn pren-nen, was wir In vor den Tausend geben sollen, Dach Czigel und auch ander Czigel wann wir In zu beraitschaft geben Huetten und holtz, ader wie sust. das ainen weg und fueg gehaben mag. Das lasz uns widerumb ze stund vorschriben wisszn Daran beweist du uns ainen sundern dienst und wolgefallen Gegeben zum Tothans an dem Eritag noch dem Suntag Oculi Anno domini millesimo etc. vigesimo quinto.

Source Fulltext: Peter Peusquens