Albrecht von gotes gnaden Hertzog ze Oesterreich und Markgraf zu Mêrhern etc. Erbern weisen, und lieben getrewn. Uns hat fuerbracht, unser getrewr, Hans Wuerffel, wie seiner diener ainer, ze Wienn, mit dem tod sei abgegangen, der sein hab und guet hab ingenomen, und ausgeben, daran Im ain merkleihe Summ gelts ausstee. Nu sei er mit verheftung, auf ettleihe beraitschaft, die der egenant sein diener, hinder Im lassen hat, koemen, und begeret zeschaffen, daz dasselb guet wider auf sein gruent gefuert werd, als ir an ainem brief hieinn beslossen, den er dem edlen, unserm lieben Oehem und getrewn, graf Johansn von Schaumberg zugesandt hat, wol werdet vernemen. Emphelhen wir ew ernstleich, und wellen zu weu der egenant Wuerffl, in den sachen Recht hab, daz ir Im das widergeen lasset. Hiett ir aber darinn icht widerred, wie sich denn die sachen halten, daz ir uns das verkuendet. Daran tuet ir unser mainung. Geben ze Laa an Samstag nach sant Franciszen tag. Anno etc. vicesimoquinto. d(ominus) d(ux) per cons(ilium)

Source Fulltext: Peter Peusquens