Wir Albrecht von gotes gnaden, Hertzog ze Österreich, ze Steir, ze Kernden und ze Krain Markgraf ze Merhern und Graf zu Tirol etc. Embieten den erbern weisen unsern lieben getrewn.. dem Burgermaister..dem Richter und dem..Rat ze wienn unser gnad und alles guot. Wir lassen ew wissen, daz wir unserm getrewn Larentzen dem pittrolf zu kauffen geben haben ain haws in der kumphlukhen zenechst Hansen des Swenttenwein haus gelegen, das weilent Stephans des Rayer gewesen und von verstandner Judengeltschuld wegen an uns gevallen ist umb zwaintzig phunt wienner phenning, und wan dasselb haus der Stat ze wienn grunt ist, als wir vernemen Davon emphelhen wir ew und wellen ernstleich, daz Ir dasselb haws dem egenanten pittrolff vertiget und In darumb nutz und gewer schreibet als sitleich und gwondleichen ist, daran begeet Ir unser mainung. Geben zu wienn an Suntag nach sand Dorothen tag Anno etc. vicesimo octavo. d. d(ux) per Berth(oldum) de Mang(en), m(agistrum) hubarum.

Source Fulltext: Peter Peusquens; siehe auch: • Schlager, Wiener Skizzen 1, 72 n° 19.