Wir Albrecht, von gotes gnaden, Hertzog ze Österreich, ze Steir, ze Kêrnden, und ze Krain, Marggraf ze Mêrhern, und Graf ze Tyrol etc. Bekennen. Daz wir unserm getrewn, Hannsen dem Ottmair ze kauffen geben haben, und geben auch wissentleich mit dem brief, ain Haus, zenêchst weilent .. des Tuemerstorffer haus, und gegen den Schotten ze Wienn, ueber gelegen, das weilent Engelbrechten des Stainmetzen, und Barbaren seiner hausfrawn, ist gewesen, und des wir uns von Judengeltschuld wegen underwunden haben. Umb Sybenundviertzig phunt wienner phenning, der wir gantz und gar entrichtet, und gewert sein. Davon suellen und muegen der vorgenant Ottmayr, und sein erben, das vorgenant haus mit seiner zuegehoerung, nu fuerbazzer in kaufsweis ynn-haben, nuetzen, und niessen, und iren frumen, damit schaffen, wie In das am pesten fueget, oder wolgevellet, vor aller irrung. Wir sein auch darauf ir fuerstand und scherm, vor gewalt und unrecht. Mit uerkunt des briefs. Geben ze Wienn an phintztag vor dem heiligen Weichnachttag. Nach Kristi gepuerde viertzehenhundert jar darnach in dem achtundzwaintzigisten jare.

Source Fulltext: Peter Peusquens