Wir Albrecht, von gotes gnaden, Hertzog ze Österreich, ze Steir, ze Kêrnden, und ze Krain, Markgraf ze Mêrhern, und Grave zu Tirol etc. Embieten dem erbern priester Merten, kapplan in des von Tierna Capellen, zu sant Stephann ze Wienn, unser gnad, und alles guot. Wir lassen dich wissen, daz wir unserm getrewn, Dietreichen dem keser ze kauffen geben haben, ain viertail weingartens, im undern hard ze nêchst .. der Herwartin weingarten gelegen, das weilent Philippen des Scrapel gewesen, und von Juden geltschult wegen an uns koemen ist. Nu vernemen wir wie derselb weingarten, der egenanten Capellen grunt sey. Davon emphelhen wir dir ernstleich, und wellen, daz du Im den verttigest, und In darumb nutz und gewer schreibest, als sitleich und gewoendleich ist. Daran begeest du unser maynung. Geben ze Wienn an Phintztag nach sant Thomans tag, des heiligen zwelifboten Anno domini etc. vicesimo octavo. d. d(ux) per m(agistrum) hub(arum) ad relacionem Alberti, hospitis in Weyer.

Source Fulltext: Peter Peusquens