Den Erbern weisen, Steffan Wirsing, dietzeit des Rats der Stat ze Wienn und Casparn Pirchveldêr purger daselbs, baid Innhabêr, und verweser, der Egenanten Stat..Gruntpuech, empewt Ich Jorig Stewdl, mein frewndlichen dienst, und lasse ew wissen, daz Ich, und mein swester, die Gerester-nêrin unser haus gelegen am Hoechen markt ze Wienn, das uns angesprochen ist, nach lawt der spruchbrief daruber gegeben, aim schuester verkauft haben. Als ew mein hausfraw und mein swager, der Geresternêr, ain kaufbrief darumb fuerbringen und zaigen werden. Bite Ich ew mit sunderm fleis Ir wellet denselben kaufbrief, mit der Stat gruntsigil vertigen und sigelen, und in daz Gruntpuech schreiben, als denn solher vertigung, kaufs und der Stat Recht ist, das ist mein fleissige bet und gueter wille. und wil das hinfuer umb ew verdienn. Mit uerkund des briefs. Besigilt mit der Edeln und weisen, Mertten des Kolm an der Zeil, und Andren des Pimissêr beder aufgedrukten Insigilen, die Sy durch meiner fleissigen pet willen auf den brief habent gedrukt In an schaden. Geben an Mittichen vor dem heiligen Pfingsttag, Anno domini Millesimo Quadringen-tesimo vicesimonono.

Source Fulltext: Peter Peusquens