Ich her Hanns der Purgraf dietzeit obrister kappelan der kappellen datz unser lieben frawn zu Hyetzing pey Wienn Bechenn fuer mich und all mein nachkomen und tuen chunt offenleich mit dem brief das uns der erber man Hanns der Grymenstainer Ingeantburt und gegeben hat ainen kelch der do wigt an silber ain markch drew lot drew quitteit und ist vergult, hab ich mich obgenanter her Hanns gegen dem egenanten Hannsen Grymenstayner und seinen erben verlubt und ver-punden lub und verpind auch mich wissentleich mit dem brief das derselb kelch ewikchleichen pey der obgenanten unser lieben frawn kappellen beleiben sol und mit kaynerley sachen davon enphrompt sol werden, das gelub ich Im und sein erben fuer mich und all mein nachkomen pey meiner priesterschafft stêt zehaben Mit urkund des briefs Besigelt mit mein obgenanten hern Hannsen des purgrafen anhangundem Insigel. Und dartzu hab ich vleyssichleich gebeten den erbern man Wilhalm den Merting(n)er purger zu Wienn das er auch sein Insigel durch meiner vleyssigen pet willen an den brief gehangen hat Im und seinen erben an schaden. Geben zu Wienn des nachsten phintztags nach unser lieben frawn tag als Si geborn ward nach krists gepurd vyertzehenhundert jar darnach in dem neun und zwayntzigistem jar.

Source Fulltext: Peter Peusquens