Wir Albrecht von gotes gnaden Hertzog ze Oesterreich ze Steir ze Kêrnden und ze Krain, Markgraf ze Mêrhern und Grave zu Tirol etc. Embieten unserm getrewn Joergen dem Pawrn unserm Hannsgraven, unser gnad und alles guet. Wir haben vernomen daz ettleich fuerkauffêr enhalb der Tunaw wein kaufen und die hiedishalb verrer verschenkhen und verkauffen, damit die wein die hiedishalb gewachsen sind, verlegt werden, des die lewt die Si pawnt zu schaden koemen. Emphelhen wir dir und wellen ernstleich, daz du das von unsern wegen ernstleich verpietest, und underschaffest, daz das hinfuer nicht mer geschehe. Welich aber daz ueberfurn und hinfüer darinn nicht gehorsam sein wolten, daz du dich denn solicher wein, die Si ueber unser pot her uerber Tunaw fuerten, zu unsern handen underwindest. Doch auzgenomen ob yemant sein wein von forcht wegen der veind her ueber Tunaw floehnen wolte oder gefloehent hiet, mainen wir, daz der daran nicht sull geirretm werden. Geben zu Wienn am Phintztag vor Sand Greiorgen tag (Gregorien tag / Georgen tag). Anno domini etc. Tricesimo. d. dux in cons(ilio).

Source Fulltext: Peter Peusquens; vergleiche mit: Tomaschek, Rechte und Freiheiten 2, 36 n° 131