Wir Albrecht von gotes gnaden, Hertzog ze Österreich, ze Steir, ze Kêrnden, und ze Krain, Markgrave zu Mêrhern, und Grave zu Tirol etc. Bekennen. Als die erbern weisen, unser lieben getrewn .. unser Burger gemaincleich ze Wienn, weilent Joergen dem Stuechsen von Trautmans-torf, und Margreten seiner hausfrawn schuldig gewesen sind, zwaytausent guldein, die Si nach-maln unsern getrewn lieben Albrechten und Kuonraten gebruedern von Potendorf, der egenanten Margreten Suenen nach unserm geschêfft ausgerichtt, und betzalt habent, und wan ettleiche verbot von der von Stubenberg, und Kysens des Juden wegen, auf dasselb gelt koemen sind, haben wir uns gen den egenanten unsern Burgern vervangen, und In verhaissen wissentleich in krafft ditz briefs, ob In hinfür von derselben verbot icht krieg oder ansprach auferstuenden, von wem das wêr, daz wir darInn ier herr, scherm, und fuerstand sein, und Si davon bringen sullen und wellen, ungevêrleich, Mit urkund des briefs. Geben ze Wienn an freitag nach sand Matheus tag, Nach Kristi gebuerde, viertzehenhundert jar, darnach in dem dreissigisten jare. d. d(ux) per B(erchtoldum) de Mangen, m(agistrum) hub(arum).

Source Fulltext: Peter Peusquens