Ich Hanns awer (Auer) Bechenn fur mich und mein lieb prueder Sigmunden Siman und Kristoffen die awer und all unser eriben fur die Ich mich gaentzleich an nym offenleich mit dem brief das Ich von dem erbern Steffann dem Schernhaimer ingenomen und emphangen hab ain lad mit silber geschirr und ain lanngs messer mit silber beslagen das Im alles die erber fraw fraw Margareth yetz des erbern Perichtolts des Lanndtzperger hausfraw mein liebew mutter zu getrewer von mein und der egenanten meiner prueder wegen Ingeantburt und zebehalten geben het, Darumb so sag ich den obgenanten Steffan den schernhaimer und sein erben fur mich, die benanten mein brueder und all unser eriben der benanten lad mitsambt dem silbergeschirr darInn und des lanngen messer gaenntzleich Quitt ledig und los vor aller Ansprach und vordrung Mit urchund des briefs Besigelt mit meinem aufgedruktem Insigel. Geben ze wienn an Eritag nach Sannd Giligen tag Anno domini etc. Tricesimo.

Source Fulltext: Peter Peusquens