Wir Albrecht von gotes gnaden Hertzog ze Österreich, ze Steir, ze Kêrnden, und ze Krain, Markgrave ze Mêrhern, und Grave zu Tirol etc. Embieten den erbern weysen, unsern lieben getrewn..dem Burgermaister..dem Richtêr, und dem Rat hie ze Wienn, unser gnad, und alles guot. Wir emphelhen ew, und wellen ernstleich, daz Ir die erbern, Barbaren die Melkaymêrin weilent Friedreichs von Dorffen Tochter, ains Hawss under den Satlêrn, zenachst dem Oberndorffêr gelegen, mit dem zuhaws dabey, und ains Hawss, innerhalb Stubentor gelegen. Item ains Hawss, und ains Stadels und ainer hofstat vor Kernêrtor, bey dem Spital gelegen. Item ainer prantstat da vormaln ain Stadel ist gewesen, under den ledrêrn gen dem paradis ueber gelegen, und ainer wechselpankh gen Sant Stephan ueber gelegen, so der egenant Fridreich von Dorffen gehabt, und hinder Im lassen hat, in ewre gruentpuecher nutz und gwer zu schreiben, und darInn kain vert-ziehen tuot, wiewol das ist, daz man die brief die ueber dieselben gruent lauttent, ditzmals nicht fuerbringen mag.Daran tuot Ir gêntzleich unsern willen. Geben ze Wienn, an Phintztag, vor dem Palmtag, Anno domini etc. Tricesimo secundo. d(ominus) d(ux) in cons(ilio).

Source Fulltext: Peter Peusquens