Reverendo in Christo patri Amico nostro carissimo domino Leonardo Episcopo Pataviensi, aut eius in Spiritualibus Vicario generali. Nicodemus dei gratia Episcopus Frisingensis. Sinceram in omnibus complacendi voluntates. Ad altare sancti Erhardi situm in Capella sancti Petri hic wienne, cuius Jus patronatus seu presentandi ad nos pertinet, vacans ad presens per liberam resignationem, dilecti in Christo, Georgii Spet de Waidhoven ultimi Rectoris eiusdem sponte factam devotum in Christo nobis dilectum, Petrum Liebharter Rectorem ecclesie parochialis in Weykendorf Capella-num nostrum v. pti. (vestrae paternitati) duximus presentandum. Rogantes attente, quatenus resignationem huiusmodi, cum vestris rite factam fuit in manibus, admittere et approbare, eaque admissa, dictum Capellanum nostrum, vel procuratorem suum pro eo, ad prefatum Altare instituere, ipsumque de eodem cum omnibus iuribus et pertinentiis suis ad hanc presentationem nostram, auctoritate vestra ordinaria, investire velitis ut est moris, administrationem eiusdem Altaris sibi committendo. Datum Wienne in vigilia Pasche Anno domini millesimo quadringen-tesimo tricesimo secundo nostri sub appensione Sigilli.

Source Fulltext: Peter Peusquens