Wir Connrad der Hoeltzler zu den zeiten, Burgêrmaister, und der Rat gemain der Stat ze Wienn, Bekennen fuer uns und all unser Nachkoemen, und tun kund offenlich mit dem brief. Das wir unverschaidenlich gelten suellen Junckfrawn Feronica Niclasen des Oderwitz vom Perg seligen tochtêr Sechshundert und Sibenundzwaintzig phunt wienner pfenning, die wir ze nutz der Stat angelegt haben, und suellen die derselben Junckfrawn Feronica ausrichten und bezalen, wenn sy gevogt wirdet, darnach Inner zwain Moneyden an alles vertziechen. Beschêch aber das sy unge-vogte abgieng, So suellen wir dann die egenant Summe dahin raihen und bezalen, nach Innhal-dung des vorgenanten Niclass von Oderwitz sêligen Geschêfft, als das zu ainer gedêchtnuess in unserm Statpuoch geschriben stet. Und suellen Sy das haben, datz uns und unsern Nachkoemen unverschaidenlich, und auf allem dem guot, das zu der egenanten Stat ze Wienn gehoeret. Mit urkund des briefs besigelt mit unserm klaynem Anhangundem Insigil. Geben ze Wienn an sand Andres Abent Nach Cristi gepuerd viertzehenhundert Jar Darnach in dem zwayund dreissigistem Jare.

Source Fulltext: Peter Peusquens