Wir Albrecht, von gotes gnaden, Hertzog ze Oesterreich, ze Steyr, ze Kêrnden, und ze Krain, Marggraf ze Mêrhern, und Graf ze Tyrol etc. Embieten den erbern weisen unsern lieben getrewn ..dem Burgermaister und dem Rat ze Wienn, unser gnad und alles guet. Als unser lieben getrewn, Jacob, Wuelfing, Andre und Ott von Stubenberg, ain haus, in der Pipingerstrass gelegen, das weilent Joergen von Potendorf gewesen, und von Geltschuld wegen an Si komen ist, unserm getrewn lieben, Hannsen von Kuenring verkaufft habent, und wan wir vernemen, daz dasselb haus der Stat grunt sey, Emphelhen wir ew ernstleich, und wellen daz ir schaffet das, dem egenanten Kuenring ze verttigen, und In, des nutz und gewer in ewr Gruntpuch ze schreiben, als sitleich und gewondleich ist. Daran tuet ir unsern willen. Geben zu Wienn, an Suntag vor sant Matheus tag. Anno domini Millesimo Quadringentesimo Tricesimotercio. d(ominus) d(ux) per se

Source Fulltext: Peter Peusquens