Ich Albrecht mit dem Part der Goldsmid und Ich Agata sein hausfrau, Niclasen Guenfarer seligen Tochter Bekennen daz uns die erbern weisen Hanns Angerveldêr diezeit des Rats der Stat ze Wienn und Dietreich der Starchant burger daselbs, und baid der benanten Stat kamrer, aus Mathias Bon des Apoteker seligen Geschêfft zeheyratguet ausgericht und gegeben habent zwaintzig guldein darumb sagen wir Sy ledig Mit urkund des briefs besigilt mit der erbern weisen Wolfgangen des Lengenawêr burger ze Wienn und Erhartten des Griesser burger daselbs und diezeit des hochgeborn fuersten Hertzog Albrechts Hertzogen ze Oesterreich und Marggraven ze Merhern etc. unsers gnedigen herren kellerschreiber aufgedrukchten Insigiln Die wir zu getzeug-nuesse der sach gebeten haben In und Irn erben an schaden. Darunder wir bekennen alles das sovor geschriben stet, wann wir Insigil nicht enhaben. Geben ze Wienn an Montag nach Letare in der vasten Anno domini etc. Tricesimoquarto.

Source Fulltext: Peter Peusquens