Ich Jobst Helmsmid und Ich Margreth sein hausfrau Hannsen Liepharten des Messrêr tochter, Bekennen, das uns die erbern weisen Hanns Angervelder diezeit des Rats der Stat ze Wienn, und Dietreich Starchant burger daselbs und baid der benanten Stat kamrêr aus Mathias Bon des Apoteker seligen Geschêfft zu heiratgut ausgericht und gegeben habent zwaintzigk guldein. Darumb sagen wir sy ledig, Mit urkund des briefs besigilt mit der erbern weisen Lienharten des Newnhover und Joergen des Pruntaler baid burger ze Wienn aufgedrukten Insigiln Die wir zu gezeugnuess der sach mit vleiss darumb gebeten haben In und Iren erben an schaden. Darunder wir mit unsern trewn Bekennen alles des sovorgeschriben stet. Geben ze Wienn an Sambstag nach sand Tiburcen und sand Valerians tag Anno domini etc. Tricesimoquarto.

Source Fulltext: Peter Peusquens