Wir Albrecht von gotes gnaden, Hertzog ze Oesterreich, ze Steir, ze Kêrnden, und ze Krain, Markgraf ze Mêrhern, und Graf zu Tyrol etc. Bekennen. Als die Ersamen andêchtigen unser getrewn lieben, Niclas probst datz sant Dorothee hie ze Wiennn, Andre pharrer zu Gors, unser kantzler, und Erasem Ponhaimer Burger hie ze Wienn, als Geschêftleut, weilent Wilburgen von Dachsperg, verkaufft habent umb sechshundert phunt wienner phenning, unserm getrewn Niclasen dem Czinkgen, ain haws gelegen in der Wildwercher strass zu Wienn, das wir vorzeiten der selben von Dachsperg haben gegeben, das ettwenn drew Judenhewser sind gewesen, und das Si verschaft hat zuverkauffen, und das gelt darumb es verkauft wurde, durch gots willen zegeben, als das ir geschêft ynnhaltet, das wir vormaln auch bestêtt haben. Also haben wir durch vol-fuerung des egenanten geschêfts und durch gots willen, den egenanten kauff bestêtt, und bestêtten auch wissentleich mit dem brief, was wir ze recht darin bestêtten sullen, oder muegen. Insolichermass, daz der vorgenant Czinkg und sein erben, das vorgenant haws mit seiner zuge-hoerung, als es die egemelt von Dachsperg hat inngehebt, und als es mit den gemerken der Nachpawrn umbvangen ist, nu fuerbazz besitzen, ymhaben, nuetzen, und niessen sullen, und muegen, und iren frumen damit schaffen, als unserr Stat hie recht, und gwonhait ist, angevêr. Und des zu urkund geben wir den brief versigilten mit unserm angehangem Insigil. Geben zu Wienn, an Montag nach dem Prehem tag Nach Kristi geburde, viertzehenhundert jar, und darnach in dem fumfunddreyssigisten jare. d(ominus) d(ux) per se, p(rese)nt(e) m(agistro) h(ubarum).

Source Fulltext: Peter Peusquens