commissio propria domini Imperatoris, Stephano de Aran Comite Newgradiensi, referente. Sigismundus dei gratia Romanorum Imperator, semper Augustus, ac Hungarie. Bohemie. Dalmacie. Croacie et cetera Rex, fidelibus nostris, universis et singulis, Prelatis. Baronibus. Comitibus. Castellanis Nobilibus et alterius cuiquis status, ecclesiasticis videlicet et secularibus, hominibus, Item Civitatibus. Opidis. et Villis, ipsarumque Rectoribus, necnon Iudicibus. Civibus. Inhibitatoribus. Incolis. et Villicis, necnon Tricesimatoribus et Tributariis in Regno nostro Hungarie, et partibus eidem subiectis, ubilibet constitutis et existentibus. presentium notitiam habituris, salutem et gratiam. Ex querulosa insinuatione, fidelis nostri providi et circumspecti Simonis Waxgiesser, Civis et mercatoris, Civitatis Wiennensis, per eum maiestati nostre facta, percepimus, quod nonnulli forent ex vobis, quibus ipse ad eorundem infestas petitiones, ac conplacentiam singularem, certam quantitatem florenorum auri, nomine veri mutui, et sub spe restitutionis, aliis vero, mercimoniales et alias res et bona sua, in credentiam tradidisset et assignasset, qui licet in diversis locis et terminis ad id prefixis, super huiusmodi debitis, eidem Simoni Waxgiesser, omnimodem satisfactionem impendere sposponderit, Tamen ipsis terminis advenientibus, dicti debitores, obligationum et permissionum, per ipsos eotunc factarum, inmemores, dicto exponente, per eundem sepesepius moniti et requisiti, super predictis debitis, nullam hactenus impendere curavissent satisfactionem, et nec curarent de presenti, in suum preiudicum et dampnum valde magnum, Supplicatum itaque extitit, nostro culmini, nomine et in persona, dicti Simonis Waxgiesser, humiliter et devote, ut certa hec, sibi de condigno remedio providere dignaremur Et quia iusticia unicuique, quod suum est reddi iubet Nosque ipsum Simonem Waxgiesser, in prescriptum dampnum pati nolumus aliquale, Ideo vestre et cuiuslibet vestrum fidelitati, ex certa nostre maiestate sciam, firmissime percipimus, et aliud habere nolentes, mandamus, quatenus, visis presentibus, alio etiam nostro mandato exinde non expectato, omnes et singuli tales ex vobis, qui pretacto Simoni Waxgiesser in quocumque obligari dinoscuntur, eidem, dum et quam primum, per ipsum aut suos homines, harum ut puta latores, presentium serie moniti et requisiti fuerit, super omnibus et singulis talismodi debitis, absque omni dilatione, remittentiaque, et dissimulatione aliquali, omnimodi et sufficienter, taliter et adeo impendere et exhibere debeant satisfactionem, ut idem Simon exhibitis suis debitis, nobis supervide per amplius non cogatur, quodlibet querulari, alioquin serie aliarum literarum nostarum commisimus et annuimus, sepefato Simoni Waxgiesser, plenam sibi tribuentes facultatem, ut omnium talium ex vobis, cuiuscumque status existant, qui silicet ipsi Simoni Waxgiesser, quibuscumque debitis obligantur, eidem, ad suam requisitionem, serie presentium fiendem, de eisdem debitem satisfacere recusaverit, sed et jobagionum eorumdem, res et bona ubicumque in dicto Regno nostro Hungarie, et partibus eidem subiectis, reperiendem ipsam nostre maiestatis auctoritate mediante, ar(r)estari in ar(r)estoque tamdiu conservari facere valeant atque possit, donec eidem, de eisdem suis debitis sed et super expensis, per eum in horum persecutione factis, seu faciendis, satisfactum fuerit, quo ad plenum, Secus exigo gratie nostre sub obtentum facere non ausuri, presentibus perlectis exhibenti restitutis. Datum in Civitate nostra Saacz, partium Bohemie, in vigilia festi beati Laurencii martyris, anno domini M°CCCC°XXX septimo, Regnorum nostrorum anno Hungarie etc. L° primo, Romanorum XX septimo, Bohemie XVIII°, Imperii vero quinto. commissio propria domini imperatoris, Stephano de Aran, comite Newgradiensi, referente.

Source Fulltext: Peter Peusquens