Albrecht von gotes gnaden, Roemischer Kunig, zu allentzeiten merer des Reichs ze Ungern, ze Behem, Dalmacien Croacien etc kunig, Hertzog ze Oesterreich etc. Getrewer lieber hubmaister. Wir lassen dich wissen, daz wir ain haus vor Widmertor ze Wienn von dem Pelhaimer in unserm Namen haben kauffen lassen, und uns das auch, in das Statpuch ze Wienn geschriben ist. Aber wir haben das durch Philipps unsers Parbyerer willen getan, der sein gelt darumb gegeben, und dasselb haus gantz betzalt hat. Emphelhen wir dir und wellen ernstleich, daz du bestellest, und schaffest, daz an unserr stat, derselb unser Barbyerer, sein weib und kinder, desselben hausz, in nutz und gewer gesetzt, und auch darumb in das Statpuch geschriben werden. Daran tust du gentzleich unser maynung. Geben ze Ofen, an sand Margreten tag anno etc. tricesimo nono. Unserr Reiche im andern Jar, under unserm Secret. com(missi)o propria d(omini) R(egis).

Source Fulltext: Peter Peusquens