Ich Swester Barbara diezeit Priorinn, sand Maria Magdalen kloster zu Prage. Bekenn daz mir der vesst Ritter und die Ersamen weisen, her Hanns Steger Burgermaister und der Rat gemain der Stat zu Wienn, durch Hannsen Waldner Irn kamrêr, auf solh bete und schreiben so In..der Burgmaister und der Rate, der Stat zu Prag, von mein und meinsn Closters wegen getan habent, ausgricht und bezalt habent, zehen schok grozz, und fuenf guldein in gold, die weilent die geistlich junkfraw Katherina vom perg, zu dem gepaw des obgenanten klosters geschafft hat, und zu getrewes hannd hintz Niclasen Oderwitz seligen gelegt und nach seim abgang in den egenanten Rat zu Wienn komen syn. Davon sag Ich fuer mich und all mein Nachkomen, die obgenanten Ersamen herren.. den Burgermaister und den Rat der Stat zu Wienn, Irn kamrer und all ir nachkomen, der vor-genanten zehen schok und fuenf guldein gentzlich quit ledig und los vor aller ansprach und vadrung ungevêrlich. Mit urchund des briefs versiglt mit meinem aufgedrukten Insigl. Des ist zeug durch meiner vleissigen bet willen, der Edel vesst Ritter her Hanns der Zingk mit seim aufge-drukchtem Insigl Im und seinen erben an schaden. Geben zu Wienn an Mitichen nach sant Niclass tag Anno domini etc. Tricesimo Nono.

Source Fulltext: Peter Peusquens