Ich Lienhart Newnhofer und Ich Larentz Wienner der Goltsmid dietzeit baid des Rats der Stat zu Wienn bekennen, das fuer den benanten Rat koemen ist der erber Briester her Peter von Respitz dietzeit Capplan der Mess die weilent frau Margret die Sybenbuergerinn von Nosen in sand Jeronimus Cappellen zu Wienn gestifft hat, und pracht dafuer wie er das klainer haus daz zu der benanten Mess gehoeret gelegen am Newnmarkcht zenagst des Prantesser haus genant die alt melgrueb, gepessert und das Dachwerch daselbs zenagst des Prantesser haus erhoehet, und ain gemaurts Gipel auf halben tail der Schidmawr daselbs die von alter zu Ir baider hewser gehoeret ausfuern und pawen wolt, das er aber von der Rynnen wegen, die yetz auf Ir baider Schidmawr lêg und darein das Wasser von baiden Dêchern geflossen hett, nicht fueglich getuen moecht, und darumb solt dieselb Rynn auf des Prantesser halben tail der Schidmawr gerukcht und gelegt wer-den, damit er ungeirtt auf sein halbe Schidmawr sein Gipel moecht aufgemaurn, als er des Recht hiet, und bat den gantzen Rat unverschaidenlich, das Sy ettlich aus In des Rats geben solten, die dy egenanten geprechen schautten, und Recht darumb sprêchen, dabey es hinfuer beleiben solt Also gab der Rat uns zwen Im darauf zubeschawern und haben auch die egenanten geprechen aigentlich besicht und nach Rat der Stat gesworn Werchmannen . Maister Petern von Pulka des Stainmetzen und Maister Wêntzlaben des Zymermans Recht gesprochen. Also seind die vorgenant schidmawr durchlengs zu des Prantesser und zu des egenanten hern Petern hewsern gehoeret, darumb so sol und mag auch derselb her Peter auf halben tail derselben Schiedmawr sein Gipel auf pawn und mawren untz under sein dach an alle Irrung ungeverlich. Darnach komen wir hin wider fuer den egenanten Rat und sagten da von der beschaw wegen unser kuntschafft als wir zu Recht solten. Und darumb so geben wir von geschêfft und haissen des egenanten Rats dem benanten hern Petern und seinen Nachkoemen den brief versiglten mit mein obgenanten Lien-hartz Newnhover Anhangundem Insigil. Und wann ich obgenanter Larentz yetz selber aigen ge-graben Insigel nicht hab gehabt, so hab Ich vleissigklichen gebeten den erben weisen Ulreichen Hirssawer Statschreiber zu Wienn, das er sein Insigel fuer mich an den brief gehangen hat Im an schaden. Darunder ich mit meinen trewn bekenn, das ich die egemelt beschaw mitsambt dem benanten Newnhover getan hab in massen so vorgeschriben stet ungeverlichen. Geben zu Wienn an phintztag nach sand Larentzen tag. Nach cristi gepurd virtzehenhundert, und in dem virtzigisten jare.

Source Fulltext: Peter Peusquens