Fridreich von gotes gnaden Romischer Kunig zuallenzeiten Merer des Reichs Hertzog ze Osterreich und ze Steir etc. Erbern weisen und lieben getrewn. Als wir ew vormaln geschriben, und an ew begert haben, daz ir unsern getrewn lieben..unsern Burgern zu Haimburg, hundert werlicher zu fuessen zu behuettung derselben unserr Stat zu Haimburg schikchen soltett, des aber als uns ist angelangt, nicht beschehen ist, also begern wir noch an ew, mit sunderm ernst und fleiss, daz Ir dieselben antzal werlicher gesellen zu behuettung derselben unserr Stat dahin furderlich schikchet. Daran tuot ir uns ain sunder guot gevallen. Geben zu der Newnstat an phintztag vor sand Mathias tag des Heiligen zwelifpoten. Anno etc. Quadragesimoprimo. Unsers Reichs im Ersten Jar. com(missi)o propria domini Regis in consilio.

Source Fulltext: Peter Peusquens