Erber und weis mein dinst In guetem willen bevor. Als ir mitsambt andern lantschaft mir ver-schriben habt, von des lantmarschalchambts wegen darauf ich den anwêlten empoten hab, ob sy mein antwurt darumb als gestern oder heut hoeren wolden, So wolt ich zu In gen wienn koemen, und In die tuen, Darauf mir her Leupolt von Ekhartzaw emboten hat, die anwêlt sein noch nicht gar koemen. Nuen fueg Im von mir die antwurt nicht aufzenemen, aber wann sy komen, das werd man mich wissen lassen. Nun hab ich etwas merklich sachen ze schikhen, das ich auf den nagsten Samstag, als mir die lantschafft geschriben hat, gen Wienn nicht komen mag. Aber ueber vier-zehen tag darnach, pin ich sein willig, doch das sy mir verkuenden auf welhen tag In das nach der zeit fueg sey. Geben an Montag nach sand Elspethen tag. Anno etc. XLI°. Ruedger von Starhmberg

Source Fulltext: Peter Peusquens