Fursichtig Ersam wolweis besunder Gunstig herren unser freuntlich dienst bevor in allem gueten willen, wir schikken zu euch ettleich unser mitgesworn Burger dez Rats, genannt Stephan Ranes und Paul Moltzhover weyser des briefs den wir aigentleich bevolhen haben ettwas unser maynung an euer fursichtichait ze bringen, in guetem vertrauen nach anligunder unser notturft. Bitt wir euch mit stetigem vleiss, was die obgenanten Stephan Ranes und Paul Moltzhover, ditzmals von unsern wegen an euer fursichtichait werben sein, das ir in solichs an unser stat gelauben wellet als uns selben, und euch freuntleich auch nachperleich gegen uns beweisen. Als wir dez, und alles gueten, ain ganntz getrauen zu euch haben und wellen das stetichleich umb euer fursichtichait verdienn. Datum zu Prespurg an mitichen sannd Andreas abennt Anno domini etc. Quadragesimo primo.

Source Fulltext: Peter Peusquens