Mein dinst zuvor lieber Johannes Als Ir mir yetz verschriben habt von ewr und Katherina ewr hausfrawn wegen hab ich wol vernomen und lass ew wissen daz ich ew und ewr hausfrawn umb solich zuspruch, So Ir zu mir maint zu haben vor meinn herren zu Wien ains furderlichen rechtens sein wil wann ir daz erfordert als recht ist, alsdann mein herren von Wienn dem Rat zu Troppaw und ew desgeleichen auch schreibent, und ob Ir oder ewr hausfraw ew besorgt herzukomen So wellent eu mein herren von wienn Ir sicherhait und gelaitt geben und hoff daz Ir solh mein verwilligung pillichen aufnemet, und nicht abslahet. Tett Ir aber dawider So mocht man wol versteen daz Ir und ewr hausfraw gegen mir ainen mutwillen treiben und suhen woldet des ich mich verrer must erclagen, und beger darinn ewr verschribene antwurt zu wissen. Geben zu Wienn an Sambstag vor Letare. Anno domini etc. quadragesimo secundo. Niclas Ponhalm Burger zu Wienn

Source Fulltext: Peter Peusquens