Fridreich von gots gnaden Romischer Kunig zu allen zeiten Merer des Reichs Hertzog ze Oester-reich und ze Steir etc. Getrewr lieber Burgermaister. Wir lassen dich wissen, daz wir der erbern Annen Stephans des Sengenweins hausfrawen, unser sicherhait und gelait gen Wienn ze komen, dazesein, und wider von dann an Ir gewar gegeben haben, als dann das unser gelaittbrief darumb ausgegangen chlerlicher innhalttet. Darumb so emphelhen wir dir, und wellen ernstlich, daz du darob seyest und bestellest, damit dasselb unser gelait, der benanten Annen also gehalten, und an Ir nicht zeprochen werde. Daran tuest du unser ernstliche maynung. Geben zu der Newnstat an Montag, vor sand Peters tag Ad kathredam, Anno domini quadragesimo tertio, unsers Reichs im dritten jar. commissio domini Regis Leop(oldo) Tuemayr referente.

Source Fulltext: Peter Peusquens