Fridreich von gots gnaden Romischer Kunig zu allen zeiten Merer des Reichs Hertzog ze Oesterreich und ze Steir etc. Getrewer lieber Burgermaister. Uns hat fuerbracht die erber Anna Stephanns des Sengenweins hawsfraw wie Si und derselb Ir man, von solher zwittrêcht wegen, so sind zwischen In an aim, und unsers getrewn Kristan Tuechler des andern tails, hinder unser getrewn Hannsen den Scharffenberger, Petern Kastner, Herman den Cantor zu sand Stephann ze wienn, und .. den Gravenberger komen und gegangen, und aber dieselben Spruchlewt zwischen In untzher nicht haben wellen aussprechen, des Si, und der benant Ir man zu verderblichen schaden komen sein, und noch taegleichs komen. Darumb so emphelhen wir dir und wellen ernstlich, daz du darob seyest, und mit den obgemelten Spruchlewten redest, damit Sy zwischen den vorge-nanten tailen an lenger verziehen aussprechen. Daran tuest du unser maynung. Geben zu der Newnstat an Montag vor sand Peters tag Ad Kathedram Anno domini etc. quadragesimo tercio, unsers Reichs im dritten Jare. commissio domini Regis Leop(oldo) Tuemayr referente.

Source Fulltext: Peter Peusquens