Fridreich von gotes gnaden Roemischer kuenig zuallenzeiten Merer des Reichs Hertzog zu Oster-reich und zu Steir etc. Erbern weisen und lieben getrewn. Als unser getrewr. Niclas Reihenhartz unser Burger ze Wienn den Notarien unserr Romischen Cantzley und liben getrewn vil dinst . getan und beweiset hat das wir nicht anders schetzen . dan ob Er uns das selbs getan hiete . und auch das allzeit gnediklich gen Im erkennen wellen. Nu vernemen wir wie derselb Niclas . in seinem haws und auf seinem grundt willen hat . ain paw zu volbringen . Darauf haben uns die bemelten unser Notarien mit fleiss gebeten . Im unser fuerdrung gen Euch zetun . Begern wir an Euch mit fleiss und ernste . daz Ir zu solichem paw ewern willen gebet und Euch denselben Niclasen umb unsern willen lasset bevolhen sein . damit er dasselb paw mit ewerm willen vol-bringen . und versteen muege, daz Er seiner dinst . so er den unsern beweiset hat auch unserer bete gen Euch genyesse. Das kumbt uns von Euch zu guetem gevallen Geben zu Wienn an sand Marie Magdalen tag Anno domini etc. XLIII°. unsers Reichs im vierden jare. com(missi)o propria domini Regis.

Source Fulltext: Peter Peusquens