Wir Fridreich von gots gnaden Roemischer kuenig zu allen zeiten merer des Reichs, Hertzog zu Oesterreich zu Steir zu Kernden und zu Krain Grafe zu Tyrol etc. Embieten den Erbern weisen unsern lieben getrewen ..dem Burgermaister Richter und Rate zu Wienn, unser gnad und alles guet. Als weilent Fregnan von der Laitter, ain haws genant in der Weihenpurg daselbs zu Wienn gelegen, das sein gewesen ist hinder sein gelassen hat . Emphelhen wir ew und wellen ernstlich, daz Ir desselben hawss niemant in nutz und gwer setzest noch komen lasset, untz wir wider hinaus gen Osterreich komen, so wellen wir ew dann unser maynung verkuenden von desselben hauss wegen, wie Ir verrer mit demselben haws hanndeln sullet. Daran tuot Ir gentzlich unser maynung. Geben zu Sannd Veit in Kernden an der heiligen Dreyr Kunig tag. Anno etc. xliiij° Unsers Reichs im vierden jare. commissio domini Regis in consilio.

Source Fulltext: Peter Peusquens