Ersamen wolweysen Sunder Gunstig herren und fuerdrer unser freuntlich willichait in erpiet-lichen dinsten bevor zu aller zeit Fursichtig herren wir lassen euch wissen, wie das wir den Ersamen und fursichtigen Petern dem Gruenpeken und maister Hannsen Tinpeken zimerman baid euer mitboner unser der Stat prueken ainen tail zu aller bewarung haben uns dy zu pawen und an dy stat ze beraitten verlassen Sy auch gepeten, ettlich holtzberch zu unser sand Mertein pharr-chirchen ze bestellen Bitten wir euer fursichtichait in diemutigem vleis uns solich furdrung gunstichleich beweysen was noturft zu derselben unser pruken gehort und auch so bedacht holtzberch der kirchen lassen ervolgen, und vergunnen ze bringen an unser geworsam uns auch euch in den und andern sachenn lassen bevolhen sein als wir euer weyshait dez ganntz vertrawen Das wir in allem erpietlichem willen umb euch und die euern maynen zu verdienen. Datum zu Prespurg an dem Aschtage Anno domini millesimo quadringentesimo quadragesimo quarto. Richter und Rate der Stat zu Prespurg.

Source Fulltext: Peter Peusquens