Nos Nicolaus dei gratia Aquilegiensis patriarcha. Notum facimus universis, quod illustri principi et domino domino Alberto Austrie Styrie et Karinthie duci promisimus et promittimus presentibus bona nostra fide et sine omni dolo, quod omnes sui mercatores pauperes et divites, cum rebus et corporibus, ubicumque in civitatibus et terris ipsius resident, libere et secure, die et nocte, plenam iuristictionem et terras nostras fori Julii (Friaul), et totum ipsum dominium pre nobis, et omnibus nostris, in nostra protectione et securitate ambulabunt et pergent, cum mercimoniis suis, et rebus aliis quibuscumque de terris nostris, et in terras nostras si tam prefati Mercatores, ad predictum ducem Austrie pertinentes, vel alter ex eis, a nobis vel a nostris, in terra nostra spoliati seu dampnificati impediti vel ......... fuerint, sine iure, tunc prefatis mercatoribus bona fide sine dolo, auxiliari tenebimur, quod ipsa ablata integraliter refundantur. Promittimus etiam, quod nos, et nostri, nullas Mutas seu Theolonea, super quibuscumque mercibus ponere debebimus, nisi dumtaxat illis contentari Theoloneis et Mutis, qui ab antiquo dum strata versus Lansan transiret, solvi consueverunt, et dari. Debebunt etiam iidem mercatores et Aurige, absque impedimento, prope Clemonam (Glemone/Gemona) superiorem vel inferiorem viam iuxta suum beneplacitum, et etiam prope Utinum (Udine) usque in Lansan(um) (Lonzano?), secure pergere impedimento quolibet non obstante. Exceptis tam antiquis Theoloneis et mutis predictis, dari et solvi solitis, dum strata pridem prope Lansanum transiret, que et quas more solito expedire et solvere tenebuntur. Presentium sub nostro sigillo testimonio litterarum. Datum in Budwoys Anno domini Millesimo Trecentesimo Quinquagesimo primo in die beatorum Philippi et Jacobi Apostolorum

Source Fulltext: Peter Peusquens