(A u.B) Wir Albrecht von Gotes gnaden, Hertzog ze Österreich, ze Steyr, und ze Kernden, Enbieten unsern getrewen, allen unsern lantherren, und allen purgrafen, und amptleuten, und ouch allen purgern gemainlich, in allen Steten, und Merchtten, in unsern landen, unser gnad, und alles guet. Wir lazzen eu wizzen, daz wir wellen, und gebieten ernstlich bei unsern hulden, daz aller choufschatz, von wann er gefürt wird, auf lande, oder auf wazzer, in unser lande gen Österreich, die rechten strazze, fur sich, gen Wienn gefürt werde, und da nidergelegt, aufgepunden, und verchouft werde, und nindert anderswo, als unser purger von Wienn hantfest sait, die si, von unserm lieben herren, und vater, Chuning Albrecht selig, von Rom, daruber habent. Wurd daruber, dhainer lay choufmanschaft, anderswo gefürt, und aufgepunden, in Steten, in Merchten, oder in dorffern, in welichs herren gepiet, daz begriffen würde, da sol man, denselben choufschatz nemen, und halten, zu unsern handen. Dartzue wellen wir, dieselben, die, (B: in der weis), ditz unser gepot ubervarent, pezzern, als unser hantfest sait. Der brief ist geben ze Wienn, an Eritag, nach sand Pangratzen tag Nach Christes gebuerd dreutzehen hundert jar, darnach in dem ains, und fumftzkisten jar.

Source Fulltext: Peter Peusquens