Wir Albrecht von gots gnaden Hertzog ze Osterreich ze Stryr und ze Kernden Tun chunt, daz wir unser getrewen .. den Purgermaister und den Rat gemayn unsrer stat ze Wienn, versatzt haben gegen unsern getrewen Niclasen dem Dressedler, und gegen siner Geselleschaft, umb sechtzehen hundert und achtzig guldein, die, die wag, habent, mit den gelubden, die ,ir, brif sagt, und geloben wir, demselben Purgermaister und dem Rat gemayn, fuer uns und fuer unser erben, bey unsern gnaden, das, wir, si, und ir erben, von derselben Puergelschaft bringen sullen, an allen iren schaden. Und geben in dar uber disen brif ze ainem urchund, besigelten mit unserm Insigel, der geben ist ze wienn des nesten Suntags vor dem Palmtag, Nach Krists geburd dreutzehen hundert iar, darnach in dem fumf und fumftzigistem jar.

Source Fulltext: Peter Peusquens