Wir Albrecht von gots gnaden Hertzog ze Osterreich ze Steyr und ze Kernden Tuen chund, das wir unser getrewen, den Purgermaister und, den Rat gemayn unsrer stat, ze wienn, versatzt haben, gegen unserm getrewen lieben Albern von Puchaim, umb drew tausent, drew hundert und sechtzig, guldein, die, die wag habent, mit den gelubden, di ir brif sagt und geloben wir demselben Purgermaister, und dem Rat gemayn, fuer uns und fuer unser erben bey unsern gnaden, daz wir si und ir erben, von derselben purgelschaft bringen schullen an allen iren schaden, und geben in dar uber disen brif, zu einem urchund versigelten mit unserm Insigel. Geben ze wienn an mitichen vor dem heiligen Auffart tag nach Krists gepurd dreutzehen hundert iar, darnach in dem fümf und fumftzigistem iar.

Source Fulltext: Peter Peusquens