Wir Albrecht von gots gnaden, Hertzog ze Oesterreich, ze Steyr, und ze Kernden, Tuen kund, daz wir, unser getrewen, den Purgermaister, und..den Rat gemain, unsrer Stat ze Wienn, versatzt haben, gegen unsern getrewen lieben Graf Hainreichen, und Graf Ulreichen, Bruedern von Schouenberg, umb ain, und zwaintzig hundert Guldein, di di wag habent, mit den geluebden, di ir brif sagt, und geloben wir, demselben Purgermaister, und dem Rat gemain, fuer uns, und fuer unser erben, bey unsern gnaden, daz wir si, und ir erben, von derselben puergelschaft, bringen schullen, an allen iren schaden, und geben in, dar uber disen brif, zu einem urchund, versigelten mit unserm Insigel. Geben ze wienn, an vritag nach dem Auffarttag, nach Christes geburde dreutzehen hundert iar, darnach in dem fünf, und fuenftzigisten jar.

Source Fulltext: Peter Peusquens