Wir Albrecht von gotes gnaden Herzog ze Oesterreich, ze Steyr, ze Kernden, und ze Krain, Graf ze Tyrol etc. Tuon chunt, alz wir unser getrewn lieben, Leutolten von Stadek, unsern Lant-marschall in Oesterreich, Hainreichen von Hakenberch, Stephann von Toppel unsers lieben Brueder, Hertzog Leupolten hofmaister, Alberten den schenchen von Ryed, unsern hofmaister, Reynharten den Wehinger unsern kamermaister, Jansen von Tyerna, huebmaister, in Oesterreich, und Lucasen den Popphinger, unsern purgermaister, ze Wienne, hintz unserm getrewn maister Hansen von Kostentz unserm Goltschmid umb siben hundert wienner phenning versatzt haben, der wir in, nu auf die nechsten chunftigen Phingsten richten, und weren sullen, also verhaizzen wir in, bei unsern gnaden, daz wir si davon bringen sullen, und wellen, an allen ieren schaden . mit urchund ditz briefs. Geben ze Wienn, an freitag, vor dem sunntag Reminiscere in der Vasten. Anno domini Millesimo Trecentesimo Sexagesimosexto. dominus dux per se, Wehinger et magister civium

Source Fulltext: Peter Peusquens; siehe auch: • Jahrbuch der kais. Kunstsamml. 16b, no 12738, unvollständig.