Nos Stephanus dei gratia Rex Ungariae significamus universis presencium per tenorem, quod Sybridus dictus Leubul exibuit nobis litteras patentas karissimi patris nostri Regis Bele inclite recordationis peteus ut ipsas confirmare dignaremur nostrarum patrocinio litterarum quarum tenor talis est. Bela dei gratia Rex Ungariae fidelibus suis comiti Jauriensi et Tributariis de Jaurino de Abda et de Fyzegtu salu-tem et gratiam. Litteras venerabilis patris O. Episcopi Jauriensis super forma exigendorum tributorum in Jaurino de Abda et Fizegtu more antiquitus observato recepimus in hunc modum videlicet ut de quo-libet curru Teutonico veniente in Ungariam tributarii debent habere quatuor denarios et comes Jauriensis duos denarios regales. Item de curru transeunte de Ungaria tributarii debent habere octo denarios et comes duos. Item si venerint currus in Navi cum Mercimoniis de quolibet curru tributarii debent habere quatuor denarios et comes duos. Si vero Navis ascendat cum mercibus, ipsa navis estimetur et redigatur ad quantitatem curruum et de quolibet curru tributarii habent octo denarios et comes duos. Item si Teutonici boves superius deferant de quolibet bove duos denarios, et comiti unum denarium de duobus teutonicorum. Item de curribus ungarorum tributii duos denarios et comes de duobus curribis ungarorum unum denarium habeat. Item de bobus ungarorum superius deferencium unum denarium de duobus bobus et de quatuor bobus comes unum denarium. Item de curru Mellis tributarii debent habere tria pondera et comes unum pondus. Item de qualibet tunella vini tributariis octo denarios, et comiti duos. Item de curru salium ungarorum duos sales et dimidium cum porcione comitis Jauriensis. Item de centum marcis piperis, tributarii debent habere unam marcam piperis, et de centum ciroteciis duas cirotecas et sic de aliis minutis mercimoniis. Item de curru hospitum latinorum unum fertonem. Item in Fizegtu de curru teutonicorum quantum cum-que honeris habente unum denarium de reliquis autem Mercimoniis bobus scilicet et aliis nichil dare tenentur in Fizegtu. Item Teutonici pedites nihil dare debent. Item in abada de duobus curribus teutoni-corum quatuor denarios unde fidelitati vestre mandantes precipimus firmiter et discrete quatenus ultra formam antiquitus observatam in tributis nichil exigere penitus presumatis, alioquin Transgressores nostri mandati in rebus et persona graviter puniemus. Datum Anno Domini M° CC° LX°. Nos igitur petitionem eiusdem considerantes fore iustam et legitimam ad misimus presentibus confirmantes. Datum in Bykche anno domini M° CC° septuagesimo.

Source Fulltext: Peter Peusquens