Wir Albrecht von gotes gnaden Hertzog ze Oesterreich, ze Steyr, ze Kernden, und ze Krain, Graf ze Tyrol etc. Schaffen mit ew, allen Richtern, purgern, amptleuten, und ouch allen andern den unsern, den diser brief gezaigt wirt, und wellen, bey unsern hulden, daz ier offenlichen ruoffen, und chunden haizzet, daz niemant, wer der sey, oder wie er genant ist, dhain weinper ûberal abpreche, denn der ez pilleich tuon sol, und des die weingêrten sind, und daz ouch nieman leskcharn, wer ez aber daruber têt, und daran begriffen wûrd, daz man den, fuer einen sched-lichen man halten sol, und wer sich ouch frêvelichen dawider satzte, swas dem dann geschêch, daz im niemant darumb puoswertig sein sol, in dhain weise. Mit urchund dits briefs. Geben ze Wienn, an unsern frowen abent ze der schidung. Anno domini M°. CCC° sexagesimo octavo.

Source Fulltext: Peter Peusquens; siehe auch: • Tomaschek, Rechte und Freiheiten I, 172 no 77