Wir Albrecht von gotes gnaden Hertzog, ze Oesterreich, ze Steyr, ze Kernden und ze Krain, Graf ze Tyrol etc. Tuon chont, umb die drew viertail des Hauses, so der beschaiden, Hainreich von Purpach, hat, in unserr Stat, ze Pruk, bey der Leyta, daz wir im, dieselben tail des egenanten Hauses, durch vleizziger bet willen, und ouch von sundern gnaden, gefreiet haben, und freien ouch, mit disem brief, und wellen, daz er mit unsern purgern daselbs ze Pruk, davon nicht leide, und ouch chain stewr, oder ander vordrung, davon gebe, und tuo alle die weil wir das nicht widerrueffet haben . mit urchund ditz briefs . Geben ze Wienn, an Mentag vor Laurencii . Anno domini Millesimo Trecentesimo Sexagesimonono. Sefner

Source Fulltext: Peter Peusquens