Wir Albrecht von gotes gnaden, Hertzog ze Oesterreich, ze Steyr, ze Kernden, und ze Krain, Graf ze Tyrol etc. Embieten unsern getrewn allen Stetten, und Purgern, enhalb der Tuonawe, den diser brief getzaigt wirt, unser gnad, und allez guot. Wir gebieten ew, und wellen gar vestichlichen, bei unsern hulden, daz ier ernstlichen, darzuo tuot, und sehet, daz chain wein, von Merhêrn in unser Land gen Oesterreich gefuert werde, und des mit nichte lazzet. Tetet ier aber des nicht, das wêr gêntzlich wider uns, und wolten ew auch gar swerlich darumb pezzern. Geben ze Wienn, an Mitichen, vor Mathei Apostoli, et Ewangeliste. Anno LXXI°. dominus dux et consilium

Source Fulltext: Peter Peusquens