Johannes miseratione divina Patriarcha Alexandrinus apostolice sedis nuncius et legatus Universis Christi fidelibus presentes litteras inspecturis salutem in domino sempiternam. Splendor paterne glorie qui sua mundum illuminat ineffibili claritate, pia vota fidelium de clementissima ipsius maiestate sperancium, tunc praecipue benigno favore prosequitur cum devota ipsorum humilitas sanctorum meritis et precibus adiuvetur. Cupientes igitur, ut Capella beate Marie virginis in domo Ottenheim in Vienna Pataviensis diocesis debitis et congruis honoribus frequentetur. Ideoque omnibus vere penetentibus et confessis qui devote et venerabiliter ad dictam capellam in festivitatibus Nativitatis Circumcisionis Epiphanie Resurrectionis et Ascensionis domini Pentecostes Sancte Trinitatis Corporis Christi et earum octavas, quinque festivitatibus beate Marie virginis Sancti Johannis baptiste sanctorum Petri et Pauli et aliorum apostolorum dedicationis ecclesie, ac singulis diebus dominicis et festivis acesserint et visitaverint quinque de bonis a deo sibi collatis ipsius ecclesie seu capelle mansus porrexerint adiutrices Octuaginta dies de iniunctis sibi penitentiis ob honorem domini nostri Jhesu Christi de omnipotentis dei misericordia et beatorum Petri et Pauli apostolorum eius auctoritate confisi misericorditer in domino auctoritate apostolica nobis in hac parte consessa tenore presencium in domino relaxamus. Datum Vienne sub sigillo nostro die XVIII. mensis Septembris Anno domini millesimo CCCmo LXX secundo.

Source Fulltext: Peter Peusquens