Wir Albrecht von Gots gnaden Hertzog, ze Oesterreich, ze Steyr, ze Kernden, und ze Chrayn. Graf ze Tyrol. etc. Schaffen mit ew unsern getrewn lieben Uolreich dem Roesslein Purgermaister unsrer Stat ze Wyenn, und den absamnern unsrer purgersteur daselbs ze Wyenn, und wellen ernstlich, daz ir von derselben Steur, die ir, uns, ietzunt geben sullt unserm getrewn Chuonrad Fruoten dem Mayerhofer unvertzogenlich gebet, und fuerderlich gevallen lazzet, Neuntzig phunt Wyenner phenning, die, wir, Im geschaft haben fuer ein Ros, das, wir, unsselber, von Im gechouft haben, Wan wenn ir, das, getan habt So sagen, wir ew, der, an der vorgenanten Steur, ledig und loz. Mit urchund ditz briefs. Geben ze Wyenn, an Erichtag, in den Phingstveirtagen. Anno domini M°. CCC°. LXX tercio. dominus dux per se et magistrum camere Sefner

Source Fulltext: Peter Peusquens