Ich Jans der Rogner, purger ze Wiennen, vergich und tuen chunt allen den di disen Brief sehent, oder horent lesen, das ich, an den zehenten, di mein geswei Chunrat der Wiltwercher purger ze Wiennen, gechauft hat, auf zwai und zwaintzig lehen, ze Ruprechzdorf, und Zedleinsdorf, von hern Leutolden von Wildek, und von seinen Erben, und die lehen sint, von herzogen, des landes herren in Osterrich, dhainen tail noch dhain recht, dar an han, also beschaidenlich, ob das geschech, des got nicht enwel, das die vorgenanten zehenten, von dem ebenanten Chunrat, und von seinen Erben erblas wurden, so schol ich vorbe-nanter Jans der Rogner, nicht andern tail, dar an haben, wann seiner nechsten vreunt ainer, und ze einem urkund, gib ich im disem Brief, versigelten mit meinem Insigel. Diser prief ist geben ze Wiennen, nach Christes gepurde, dreuzehen hundert jar, dar nach in dem fir und zwainzigisten jar, an sand Erhartz tag.

Source Fulltext: Peter Peusquens