Wir Leupolt von Gotes genaden Hertzog ze Oesterreich ze Steyr ze Kernden und ze Krain Graf ze Tyrol etc. Tun kunt, umb das geschefte daz unser getrewer Niclas der Wurfel, der elter, mit seinem brief getan hat, daz wir dasselb geschefte, bestaett haben, und bestaetten auch wizzentlich mit disem brief, und wellen daz es beleibe, bey allen den punten und artikeln, die in dem egenanten gescheftbrief begriffen sind, ane gever, und daz auch dawider nyemant tuo in dhainen weg. Mit urkund ditz briefs. Geben ze Wienn, an freitag vor sand Ulreichs tag, Nach Kristes gepurd, dreutzehen hundert Jar, darnach in dem Siben und Sibentzigistem Jare. Torberger, magister curie.

Source Fulltext: Peter Peusquens