Wir Haertneyt van Traun. Dietmar van Lerbuochel. Alber Lauterbe(r)gch. Engelschalich Sluzelberger. Dietreich der jung Weizenw(b)erger. Teym van Pernawe. Dietrich Oven. vergehen offen-lich an disem prief. und tuen chunt allen den di in sehent. hoernt. oder lesent. daz wir unverschaidenlichen puorgel sein worden. mit unserm guetem willen. um sechs hundert phunt wienner phenning. fuor hern Dietreich van Weizzenwerch (Weissenberg). hintz seiner hausvrowen vroun Annen. um ier Morgengab. also. daz er sei dar wern sol. an sand Goerin (Georgs) tag. der nu schierst chumt. als Landes recht ist. oder swo er des nicht entuet. so schulen wir ze Lintz in ain Gasthaus varen. swo uns her Ulrich Pruoeschingch. oder der Fridreich sein pruder hin zaiget. und schulen da nicht auz chomen. als Laistens recht ist. untz er sei gewert der vorgenanten phenning. gantz und gar. mit rechter staet und daz ier di gelubde van uns stet w(b)eleiben. daruber geben wier ier disen prief. zeim woren urchunde. und w(b)estaetigen ier den mit unsern angehangen Insigeln. Daz ist geschehen. do van Christes gepurd vergangen worn. Tausent jar. dreu hundert jar. darnach in dem funf und zwainzigistem jar, an sand Priscen tag, der heiligen jungchvroun.

Source Fulltext: Peter Peusquens